Ağır qəza: Ər və arvad avtomobildə yanaraq öldü - VİDEO 

Türkiyədə polşalı cütlük ağır yol qəzasında faciəvi şəkildə ölüb. Avtosfer.az yerli KİV-ə istinadən xəbər verir ki, hadisə Antaliya şəhərinin Alaniya rayonunda qeydə alınıb. 
Məlumata görə, Polşadan Alaniyaya tətilə gələn cütlüyün olduğu minik avtomobili hərəkətdə olan zaman idarəetmədən çıxıb. Əvvəlcə yol kənarındakı beton divara çırpılan nəqliyyat vasitəsi daha sonra bir neçə dəfə çevrilib. Zərbənin təsirindən avtomobildə yanğın baş verib. 
Nəticədə ağır xəsarətlər alan ər və arvad hadisə yerində yanaraq ölüblər. 
Qəza ilə bağlı araşdırma aparılır. 

Namiq Musayev