Ağır yol qəzasının VİDEOsu – “Toyota” yük maşını ilə toqquşdu

Rusiyanın Primorsk bölgəsinin prokurorluğu 2 nəfərin ölümü ilə nəticələnən ağır yol qəzasının görüntülərini ictimailəşdirib. Avtosfer.az xəbər verir ki, hadisə iyulun 13-də "Ussuri" Xabarovsk – Vladivostok federal magistralında qeydə alınıb.

Məlumata görə, 26 yaşlı qadın sürücünün idarəetdiyi “Toyota Crown” markalı minik avtomobili, yolun əks istiqamətinə çıxaraq qarşıdan gələn “Hino” markalı yük maşını ilə toqquşub.

Zərbənin təsirindən yük maşını aşıb, minik avtomobili isə deformasiyaya uğrayıb.

Nəticədə “Toyota”nın sürücüsü və onun 30 yaşlı sərnişini aldıqları xəsarətlərdən hadisə yerində ölüblər, yük maşınının sürücüsü isə xəstəxanaya aparılıb.

Faktla bağlı cinayət işi açılıb, araşdırma aparılır.

Namiq Musayev