Ambulansa belə yol verdilər: “Avropada yox, Bakıda...” - VİDEO

Təəssüf hissi ilə qeyd edək ki, son zamanlarda yollarda təcili tibbi yardım maşınına məhəl qoymayan sürücülərlə bağlı videoların sayı artmaqdadır. Qınaq obyektinə çevrilən görüntülərin əksinə saytımızda yerləşən videonun “vicdan” sahibi avtomobil idarəçilərinə örnək xarakteri daşıyacağını əminlik hissi ilə qeyd edə bilərik. 
Avtosfer.az xəbər verir ki, paytaxtın mərkəzi küçələrindən birində qeydə alınmış görüntü sosial şəbəkələrdə xüsusi alqışla qarşılanıb. Olaydan bəlli olduğu kimi tıxacda qalan nəqliyyat vasitələrinin hər biri yolun sağ və sol hissəsinə keçid edərək arxadan gələn təcili tibbi yardım maşınına yol veriblər. Yaxşı sürücü olmaqdan əvvəl insanlığı yerə qoymayan avtomobil istifadəçilərindən gələn bu təqdirəlayiq davranış nəticəsində ambulans hadisə yerinə gecikmədən çata bilib. 
“Əla, alınır bizdə” deyən ambulans sürücüsünün sözünə qüvvət bu istiqamətdə ümid işığının daha da çoxalacağına inanırıq.

Nərmin Əkbər