Atasının maşını ilə polisdən qaçan 18 yaşlı gənc ağır qəza törətdi; dostu öldü - VİDEO

Atasının avtomobilini icazəsiz götürüb sürən yeniyetmə ağır yol qəzası törədib. Avtosfer.az xəbər verir ki, Rusiyanın Krasnoyarsk şəhərində baş verən hadisə polis avtomobilinin kamerasına düşüb. Belə ki, 18 yaşlı oğlan atasından xəbərsiz ona məxsus “Toyota” markalı avtomobili götürərək dostuna zəng vurub və birlikdə şəhərdə gəzməyə çıxıblar. Bir müddət sonra ərazidə xidmət aparan yol polisi əməkdaşları avtomobildən şübhələnərək sürücüyə “Saxla” əmri veriblər. Lakin yeniyetmə sürəti artıraraq polislərdən qaçmağa başlayıb. O, Yenisey şosesində sükan idarəetməsini itirərək avtomobili yüksək sürətlə yol kənarındakı işıq dirəyə çırpıb. Zərbənin təsirindən avtomobil parçalara ayrılıb. Qəza nəticəsində ağır xəsarətlər alan 17 yaşlı sərnişin dünyasını dəyişib, sürücü isə xəstəxanaya yerləşdirilib. Polisin apardığı yoxlama zamanı 18 yaşlı oğlanın sürücülük vəsiqəsinin olmadığı məlum olub. Bundan əlavə, o, heç sürücülük məktəbinə də getməyib. İndi onu 12 il həbs cəzası gözləyir.

Sözügedən hadisənin görüntülərini təqdim edirik:

Namiq Musayev