Avtomobilin qapısından şalvar və "şəpit" çıxdı - VİDEO

Avtomobili üçün aldığı ikinci əl qapının içindən şalvar və "şəpit" çıxıb. Avtosfer.az xəbər verir ki, bu barədə görüntülər sosial şəbəkədə yayımlanıb.

Kadrlarda, ustanın baxış keçirdiyi qapının əyri və şiş olduğu görülür. Bunun səbəbini öyrənmək üçün xüsusi aparat vasitəsilə qapının kosmetik üzlüyünü təmizləyən usta, gördüklərindən çox təəccüblənir.

Videoda, qapının təmiri zamanı şalvardan, tərlikdən və penoplasadan istifadə edildiyi qeyd olunub.

Bu cür hallarla qarşılaşmamaq üçün sürücülərin avtomobil üçün hər hansı bir ehtiyat hissəsi almağa mütləq ya usta, ya da bu işdə peşəkar olan bir şəxslə getmələri vacibdir.

Namiq Musayev