Avtomobilini təmiz saxlayan sürücü küçəni zibillədi - VİDEO

Avtomobilindəki zibili asfalta tulladı, daha sonra yoluna davam etdi.
Avtosfer.az xəbər verir ki, xoşagəlməz hadisənin görüntüsü 3 mart tarixində, Yasamal rayonun Abbas Mirzə Şərifzadə küçəsində qeydə alınıb. Anbaan həvəskar videosuna düşən görüntülərdən də aydın olduğu kimi “Mercedes Benz” markalı, 10-KN-545 dövlət nömrə nişanlı avtomobilin sürücüsü maşınını idarə edərkən digər tərəfdən yüngül tıxacın olmasını nəzərə alaraq salonundakı zibili çölə atmağı unutmayıb. Əlindəki kağızı asfalta ataraq yoluna davam edən sürücü böyük ehtimal törətdiyi əməli normal qəbul edib. Bu hərəkətə əl atan şəxslər ictimai yerləri, eləcə də yolları təmizləyən qadınların işini çətinləşdirir və çoxu “vəzifəsidir” düşüncəsi ilə yanaşaraq etdiyi davranışa haqq qazandırmağa çalışır. O sürücülərin diqqətinə çatdıraq ki, zibili atmaq üçün müvafiq yerlər var və həmin qablara çatana qədər bir müddətlik avtomobildə saxlamaq da mümkündür. Avtomobilində zibil saxlamamağa çalışan sürücümüzün timsalında digər bu hərəkətə yol verən şəxslərə bildirək ki, törətdikləri əmələ görə 40 manat cərimə onları gözləyir. 

Nərmin Əkbər