Avtosığorta hələ də ciddi problem olaraq qalmaqdadır - VİDEO

Azərbaycanda avtomobillərin icbari sığortası üzrə bəzi şirkətlər şikayət indeksinə görə çox vaxt ilk sıralarda yer alır.

Sığorta sahəsi üzrə ekspert Vüsal Bədəlov deyir ki, ümumiyyətlə, vətəndaşların ən çox şikayətçi olduğu sığorta növü icbari sığortadır.

Vüsal Bədəlovun sözlərinə görə, bu kimi problemlərin qarşısını almaq vətəndaşın əlindədir. Bu halda bəzi sığorta şirkətlərinin səhlənkarlığının öhdəsindən gəlmək olur.

Ekspert bildirib ki, sığorta şirkəti seçən zaman da bu kimi problemlərlə qarşılaşmamaq üçün diqqətli olmaq lazımdır. Ümumiyyətlə isə, həm seçim zamanı həm də sığorta şirkəti ilə bağlı problem yaşadıqda vətəndaşların öz sığorta agentlərinə müraciət etmələri daha doğru seçim olar.