Azarkeşlərin olduğu mikroavtobus qəzaya düşdü: 7 ölü, 3 yaralı – ANBAAN VİDEO

Futbol matçını izləməyə gedən bir qrup azarkeşin olduğu mikroavtobus ağır yol qəzasına düşüb. Avtosfer.az xəbər verir ki, Rumıniyada baş verən hadisə kameraya düşüb.

Belə ki, E70 magistral yolunda Yunanıstanın PAOK futbol klubunun 10 nəfər azarkeşinin olduğu mikroavtobus ötmə əməliyyat yerinə yetirən zaman sükan idarəetməsi nəzarətdən çıxaraq əks yola çıxıb və qarşıdan gələn TIR-la toqquşub. Zərbənin təsirindən mikroavtobus hissələrə ayrılıb. Qəza nəticəsində yeddi nəfər ölüb, daha üç nəfər yaralanıb.

Qadının əri də çoxsaylı bıçaq zərbələri ilə öldürülübmüş - Maştağadakı qətlin TƏFƏRRÜATI

Hadisənin dəqiq səbəbləri Rumıniyanın aidiyyəti qurumları tərəfindən araşdırılır.

Qeyd edək ki, mikroavtobusda olan azarkeşlər PAOK klubunun UEFA Avropa Liqası çərçivəsində Fransanın Lion (Lyon) şəhərində yanvarın 29-dan 30-na keçən gecə keçiriləcək oyunu üçün Salonikidən yola düşüblər.

Sözügedən hadisənin anbaan videosunu təqdim edirik:

Namiq Musayev