Azərbaycanlı pilot Gürcüstanda saatda 170-lə drift göstərdi - VİDEO

Gürcüstanda Beynəlxalq Avtomobil Federasiyasının təşkilatçılığı ilə “Georgian Drift Series” adlı çempionat strat götürüb.

Avtosfer.az xəbər verir ki, təşkil edilən beynəlxalq yarışlarda Azərbaycan 6 pilotla təmsil olunur. Yarışlar gələn il keçiriləcək beynəlxalq turnirə vəsiqə məqsədilə keçirilir.
Ölkəmizi uğurla təmsil edən pilotumuz Fərid Quliyev Avtosfer.az-a açıqlamasında bildirib ki, indiyə qədər davam edən sıralama turlarında 71 xal qazanıb:

“Sabahdan tandem yürüşlər başlayacaq və bu artıq onaltıda-bir (1/16) mərhələ hesab olunur. Buna səbəb xalımın bu mərhələdən başlamağa imkan verməsidir. Bu mərhələdə, təəssüflər olsun ki, ölkəmizi təmsil edən digər pilot Xəyal Ağcabəyli ilə görüşəcəm. Bu görüşdən qalib ayrılsam, növbəti görüşdə gürcü pilotla yarışacağam”.

Pilot onu da qeyd edib ki, yarışın əsas özəlliyi onun adı və yarış şərtləri ilə bağlıdır:

“Yarış “Fastest Drift” adlanır. Yəni, çox sürətli yarışdır. Driftə qədər sürət 170 kilometr-saata qədər qalxır, daha sonra əl əyləcindən istifadə edib drift zonasına özünü atmalısan. Yarışlar Rustavi şəhərindəki “İnternational Motopark”da keçirilir. Bura SSRİ dövründə tikilib və “Formula1” üçün istifadə üçün nəzərdə tutulub”.
Səfər