Bakıda qadın azyaşlı uşağı motosikletdə belə apardı – TƏHLÜKƏLİ ANLAR - VİDEO

Bakıda qadının motosiklet idarə edərkən arxa oturacaqda azyaşlı qız uşağını daşıması diqqət çəkib.

Avtosfer.az xəbər verir ki, görüntülərdə həm motosiklet sürücüsünün, həm də uşağın dəbilqədən istifadə etdiyi görünür. Lakin azyaşlının motosikletin arxa oturacağında daşınması birmənalı qarşılanmayıb.

Qeyd edək ki, “Yol hərəkəti haqqında” qanuna əsasən, 12 yaşına çatmamış uşaqların motosikletin arxa oturacağında daşınmasına icazə verilir. Lakin bunun üçün uşağın təhlükəsizliyini təmin edən xüsusi qurğudan istifadə olunması tələb olunur. Belə qurğu olmadan 12 yaşına çatmamış uşağın motosikletin arxa oturacağında daşınması qayda pozuntusu hesab edilir.

Bu tələbin pozulmasına görə motosiklet sürücüsü İnzibati Xətalar Məcəlləsinin 327.2-ci maddəsinə əsasən 100 manat məbləğində cərimə oluna və 3 cərimə balı ilə cəzalandırıla bilər.