Bakıda təhlükə saçan sürücü: Sükanı buraxıb qadın sərnişini dəfələrlə vurdu - VİDEO

Bakıda qadın sərnişinə qarşı zorakı davranış sərgiləyən sürücü avtomobilin kamerasına düşüb.

Avtosfer.az-ın məlumatına görə, hadisə yanvarın 23-də səhər saatlarında Mirzəağa Əliyev küçəsində qeydə alınıb.

Görüntülərdən məlum olur ki, 77-UQ-916 dövlət nömrə nişanlı “Hyundai” markalı avtomobilin sürücüsü ön sərnişin oturacağında əyləşən qadına əvvəlcə əlindəki telefonla bir neçə dəfə zərbə endirir. Daha sonra isə o, qışqıraraq xanım sərnişinə barmağı ilə sərt şəkildə işarələr edir.

Kadrlardan həmçinin görünür ki, sürücü mübahisə zamanı bir neçə dəfə əlini sükan çənbərindən çəkir və diqqətini yoldan yayındırır. Bu isə digər hərəkət iştirakçıları üçün də təhlükəli vəziyyət yaradır.

Sürücü yol boyu aqressiv davranışlarını davam etdirib.

Qeyd edək ki, məsələylə bağlı polis araşdırma aparır.

Nərmin