Biləcəridə 91 nömrəli avtobusun sürücüsü sərnişinləri təhlükəyə atdı - VİDEO

Binəqədi rayonu Biləcəri dairəsi ərazisində avtobus sürücüsü kobud qayda pozaraq sərnişinlərə təhlükə yaradıb.
Avtosfer.az-ın məlumatına görə, hadisə aprelin 2-si saat 19:22 radələrində qeydə alınıb. Belə ki, 99-JS-610 dövlət nömrə nişanlı 91 nömrəli müntəzəm marşrut xətti üzrə hərəkət edən avtobusun sürücüsü sürət həddini aşıb. 
Avtosfer.az-ın əməkdaşı və digər sərnişin avtobusa minərkən sürücü onları gözləmədən nəqliyyat vasitəsini sürüb. Sərnişinlər son anda qəzadan qurtulublar. Lakin sürücü üzr istəmək əvəzinə avtobusu yüksək sürətlə idarə edərək təhlükə yaratmağa davam edib. 
Sərnişinlər bu vəziyyətə etiraz etsələr də sürücü müxtəlif bəhanələr gətirərək özünə haqq qazandırmağa çalışıb. Avtovağzalda isə qayda pozan sürücü digər həmkarı ilə “vaxt üstündə” mübahisə edib.

Nərmin