Bu binaların həyətində təmir işləri başdansovdu aparılıb - Panduslar istifadəyə yararsızdır - VİDEO

Paytaxtın İnşaatçılar prospekti 122 və 134 ünvanlarındakı panduslar düzgün qurulmayıb. Avtosfer.az-ın məlumatına görə, bir müddət əvvəl sözügedən ərazilərdə təmir işləri aparılıb. Belə ki, binaların həyətində yollar yenidən asfaltlanaraq nişanlar çəkilib, pilləkənlər, panduslar quraşdırılıb.

Lakin pandusların yanlış formada qurulması piyadaların rahat şəkildə hərəkətinə əngəl törədir, hətta qəzaların baş verməsinə gətirib çıxara bilər. Görüntülərdən aydın olduğu kimi, olduqca yüksək bucaq altında quraşdırılan panduslarda pilləkən yoxdur. Nəticədə fiziki məhdudiyyətli, eləcə də uşaq arabasıyla hərəkət edən piyadalar çətinlik yaşayırlar. Xüsusilə əlverişsiz hava şəraitində panduslardan istifadə mümkünsüz hala gəlir. Eyni zamanda asfalt nahamar şəkildə vurulub.  

Qeyd edək ki, binaların Müdafiə Nazirliyinin balansında olduğu deyilir. Təmirin isə hansı qurum tərəfindən aparıldığı bəlli deyil.  

Nərmin