Bu küçədə "Tamstore" marketə mal gətirən yük maşınları yolu da zəbt ediblər, səkini də - VİDEO

Bakıda dayanma-durma qaydasını pozan sürücülər hərəkətə mane olublar. Avtosfer.az xəbər verir ki, hadisə avqustun 12-də, paytaxtın Xanlar küçəsində qeydə alınıb. Belə ki, sözügedən küçədə yük avtomobili sürücüləri mütəmadi olaraq qaydaları pozurlar. Qeydə alınmış videodan da aydın şəkildə görünür ki, 90-JU-396, 90-JG-140, 99-JU-403, 90-JT-295, 77-HG-879, 99-JU-049 və 77-SK-271 qeydiyyat nişanlı yük avtomobillərinin sürücüləri səkidə parklanma edərək qaydaları kobud şəkildə pozublar. Hətta sonuncu parklanan avtomobil sürücülərin də keçib getməsinə problem yaradıb.

Qeyd edək ki, bu yük maşınları Neftçi Qurban küçəsində yeni fəaliyyətə başlayan “Tamstore” mağazasına mal gətirən sürücülərə məxsusdur. Onlar demək olar ki, hər gün dayanma-durma qaydalarını pozaraq nəqliyyatın hərəkətini çətinləşdirirlər.

Fərid