Bu küçədə yol nişanlarının önünü ağaclar kəsib, piyada keçidi isə... - VİDEO

Paytaxtın Nizami rayonu, Kamil Balakişiyev küçəsində ciddi problemlər var. Avtosfer.az xəbər verir ki, küçənin Əli Vəliyev küçəsi ilə kəsişməsində yol nişanlarının önünü ağaclar kəsib. Ərazidə "stop" və "piyada keçidi" nişanları olsa da sürücülər bunu görə bilmir. Nəticədə yol-nəqliyyat hadisələri və piyadavurmalar baş verir. 

Avtosfer.az saytının baş redaktoru Elməddin Muradlı və Bakı Şəhər DYP İdarəsinin baş inspektoru polis mayoru Araz Əsgərli küçədəki problemlərdən danışıb. Bildirilib ki, dəfələrlə aidiyyəti qurumlara müraciət olunmasına baxmayaraq nişanların önünü kəsən ağaclar budanmayıb. Həmçinin küçədə səki problemi var. Piyada keçidi olsa da səki mövcud olmadığından piyadalar yolun hərəkət hissəsi ilə getməyə məcbur olur. 

Ətrafda isə əhalinin sıx məskunlanması burada təhlükəni ikiqat artırır. Sakinlər qeyd edir ki, yolda tez-tez qəzalar baş verir və piyadavurma halları mövcuddur. 

Avtosfer.az həmin küçədən hazırlanmış videosujeti təqdim edir:

Orxan Əli