Bu sürücü cərimələnməlidir, yoxsa... - VİDEO

Yolun əks istiqamətinə daxil olub hamını borclu çıxaran sürücünün görüntüləri həvəskar kamera tərəfindən qeydə alınıb. Avtosfer.az xəbər verir ki, bununla bağlı video sosial şəbəkədə yayımlanıb.

Kadrlarda, qırmızı rəngli avtomobilin yolun əks istiqamətində dayandığı görülür. Həm hərəkətin axınına, həm də piyada keçidinin üzərində dayanaraq maneə yaradan sürücü, bu azmış kimi digər sürücülərə də əl-qol hərəkətləri edərək, onlara öz narazılığını bildirir.

Qeyd edək ki, bununla bağlı İnzibati Xətalar Məcəlləsinə uyğun olaraq, birtərəfli hərəkət yollarında müəyyən edilmiş hərəkət istiqamətinin əksinə hərəkət etməyə, habelə 1.1, 1.3 və 1.11 üfüqi nişanlanma xətlərinin tələblərini pozmaqla nəqliyyat vasitəsini tam olaraq əks istiqamətli nəqliyyat axınının hərəkət zolağına keçirərək nəqliyyat axınına əks istiqamətdə hərəkət etməyə görə 4 bal və 150 manat məbləğində cərimə edilir.

Namiq Musayev