Dəhşətli qəza: “Ferrari” ikiyə bölünərək yandı, model və DJ yanaraq öldü – FOTO + VİDEO

İtaliyada 21 yaşlı ukraynalı model Anna Kraevskaya və “Dj Style Q” kimi tanınan kosovalı Qisni Kestay dəhşətli yol qəzasında vəfat ediblər.

Avtosfer.az xəbər verir ki, hadisə martın 31-də İvrea və Santiya bələdiyyə ərazilərini birləşdirən avtomagistralda baş verib.

Məlumata görə, Kestay İsveçrədə yerləşən “Jukebox” klubunda gecə çıxışından sonra Anna ilə birlikdə Milana qayıdan zaman idarə etdiyi “Ferrari GT C4” markalı avtomobillə hərəkətdə olarkən yolun yağışlı və sürüşkən olması səbəbindən sükan idarəetməsini itirib, idarəetmədən çıxan avtomobil yol kənarındakı dəmir arakəsmələrə çırpılıb. Zərbənin təsirindən avtomobil iki hissəyə bölünərək yanıb. Qəza nəticəsində model və 40 yaşlı Kestay yanaraq hadisə yerində ölüblər.

Yerli prokurorluq əməkdaşları, yanaraq tanınmaz vəziyyətə düşən meyitlərin şəxsiyyətini DNT testi vasitəsilə müəyyən ediblər.

Qeyd edək ki, bir çox xarici media portallarında avtomobilin 200 km/saatla, hətta 300 km/saatla idarə olunduğu və bu səbəbdən sürücünün sükan idarəetməsini itirməsi səbəbindən qəzanın baş verdiyi iddia edilir.

Namiq Musayev