Dəhşətli qəza: yük maşını beton arakəsmələrə çırpılaraq yandı - VİDEO

Meksikada dəhşətli yol-nəqliyyat hadisəsinin görüntüləri təhülkəsizlik kamerası tərəfindən qeydə alınıb. Avtosfer.az xəbər verir ki, bu barədə video ötən gün “X” sosial şəbəkəsində yayımlanıb.

Kadrlarda, dağ yolunda hərəkətdə olan qoşqulu yük maşınının döngəyə sürətlə daxil olduğu və idarəetmədən çıxaraq beton arakəsmələrə çırpıldığı görülür.

Zərbənin təsirindən yanğın baş verən yük maşını yolun əks istiqamətinə keçərək hərəkətdə olan minik avtomobili ilə toqquşur.

Yerli KİV-in məlumatına görə, qəza nəticəsində 7 nəfər müxtəlif dərəcəli bədən xəsarətləri alıb.

Namiq Musayev