DİN əməkdaşları 20 mindən çox məktəblinin valideyini ilə görüşüb - VİDEO

“Təkcə bu il məktəblərdə uşaqlarla minə yaxın görüş keçirilib.”
Avtosfer.az xəbər verir ki, bu sözləri bir iyun - Uşaqların Beynəlxalq Müdafiəsi Günü ilə bağlı Nəqliyyatın İntellektual İdarəetmə Mərkəzində keçirilən tədbirdə çıxış edən zaman DİN-in ictimaiyyətlə əlaqələr şöbəsinin rəisi Elşad Hacıyev vurğulayıb. Şöbə rəisi uşaqlarla marifləndirici söhbətlər aparıldığını vurğulayıb: “Bu tədbirlərdə narkotik vasitələrin qanunsuz dövriyyəsi, erkən nigah və dini radikalizm ən əsas mövzulardır. Bu üç məsələ bizim üçün prioritetdir və DİN tərəfindən müvafiq proqramlar var ki, bu proqramlar da valideyinlər üçün nəzərdə tutulub. Uşaqlarla bərabər 20 mindən artıq valideyinlərlə görüşülüb.”
Nurlan Sakitoğlu