Elektrikli velosipedlə qayda pozan yeniyetmə qızlar cəzalandırıldı – Velosiped yandı - VİDEO

Elektrikli velosipedlə qayda pozan yeniyetmə qızlar cəzalandırılıblar. Avtosfer.az xəbər verir ki, ABŞ-nin Feniks şəhərində baş verən hadisənin görüntüləri kameraya düşüb. Magistral yolda elektrikli velosipedlə hərəkət edən 15 və 16 yaşlı yeniyetmə qızlardan biri işıqforun qırımızı işığından keçərək manevr edən minik avtomobili ilə toqquşub. Zərbənin təsirindən öncə partlayış, daha sonra isə yanğın baş verib. Alovlar içində qalan qızın köməyinə digər rəfiqəsi gəlib və o, əlləri ilə yanğını söndürərək onu xilas edib.

Qəza nəticəsində 15 yaşlı yeniyetmə qız yanıq xəsarətləri alıb. Bundan əlavə onu topuğu da sınıb.

Polis qayda pozuntularına görə hər iki yeniyetməni cəzalandırıb və valideynlərinə təhvil verib.

Sözügedən hadisənin anbaan videosunu təqdim edirik:

Namiq Musayev