İtə-pişiyə can yandıranlar yol qəzalarına niyə susur? – Ekspertdən çağırış - VİDEO

Yol nəqliyyat hadisələrinin sayı günü-gündən çoxalır. Bunlardan biri də, bu gün Qobustanda baş verən hadisədir. Belə ki, qəza nəticəsində 5 nəfər dünyasını dəyişib. 
Avtosfer.az saytının rəhbəri, ekspert Elməddin Muradlı şəxsi “Facebook” hesabında canlı yayımda sürücüləri diqqətli olmağa çağırıb. Bildirib ki, sosial şəbəkələrdə paylaşılan bəzi vandalizm videoları qınaq obyektinə çevrilir, xüsusən itin, pişiyin qulağını kəsmək, gözünü çıxartmaq kimi hallara cəmiyyət çox sərt reaksiya verir. Düzdür bunlar yolverilməzdir, lakin yollarımızda baş verən qəzalara da bir nəzər salaq, insanlar bir-birini öldürür. İstər məqsədli, istər bilərəkdən, istər məsuliyyətsizlikdən, istərsə də bilmədən: “Ötən il yollarda 830 insan itirmişik. Iti, pişiyi düşünənlər hardasınız? Niyə insan ölümünə eyni reaksiyanı vermirsiniz? 2023-cü ildə bundan da artıq olacaq. Ən azından bir dəfə etiraz bildirin. Heyvanları düşündüyünüz qədər insanları da düşünün”.