Nişan olmayan yerdə sürücüləri yenə cərimələdilər - VİDEO

Paytaxtın Cəlil Məmmədquluzadə küçəsində dayanma-durma qaydasını pozmayan sürücülərə qanunsuz olaraq cərimələrin yazılması ilə bağlı oxucuların şikayətini dərc etmişdik.

Sürücü Fuad Məmmədov yenidən saytımıza müraciət edərək bildirib ki, vəziyyət əvvəlki qaydada davam edir - Yol polisi yenidən cərimələr tətbiq edir.

Sürücü bu barədə qeydə aldığı videoda geniş şəkildə izah verib.

Qeyd edək ki, C.Məmmədquluzadə küçəsinin başlağıcında quraşdırılmış 3.27 nişanı yolayrıcında, yəni Allahyar Nəsibov küçəsi ilə kəsişmədə qüvvəsini  itirir. “Yol hərəkəti haqqında” qanunda bununla bağlı müddəa da öz əksini tapıb.  Belə ki, 64-cü maddəsinin VI hissəsində qeyd olunub ki, 3.27 nişanını qoyulduğu yerdən ən yaxın yolayrıcına qədər qüvvədədir.

Ümid edirik ki, sürücülərin şikayəti nəzərə alınaraq tətbiq edilmiş bu cərimələrə xitam veriləcək.

Leyla