Otel işçilərini daşıyan avtobus aşdı: 29 nəfər yaralanıb – ANBAAN VİDEO

Türkiyənin Antalya şəhərində iki nəqliyyat vasitəsinin iştirakı ilə ağır yol qəzası baş verib.

Avtosfer.az yerli KİV-lərə istinadən xəbər verir ki, hadisə aprelin 10-da Manavgat rayonunda qeydə alınıb.

Məlumata görə, otel xidmətçilərini daşıyan xidməti avtobus yol qovşağında minik avtomobili ilə toqquşub. Zərbənin təsirindən idarəetmədən çıxan avtobus aşıb. Nəticədə 29 nəfər müxtəlif dərəcəli bədən xəsarətləri alıb.

Qəzanın hansı səsəbdən baş verdiyi açıqlanmır.

Namiq Musayev