Ötmə zamanı ağır qəzaya düşdülər: 2 ölü, 8 yaralı – QƏZA ANI

Türkiyənin Burdur bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə Yaşılova rayonunda qeydə alınıb.

Məlumata görə, 29 yaşlı sürücü idarə etdiyi “Volkswagen” markalı minik avtomobili ilə ötmə əməliyyatını yerinə yetirən zaman, əks yoldan gələn 49 yaşlı sürücünün idarə etdiyi “Hyundai”la toqquşub.

Zərbənin təsirindən hər iki nəqliyyat vasitəsinin ön hissəsi deformasiyaya uğrayıb.

Nəticədə 2 nəfər ölüb, 8 nəfər isə xəsarət alıb.

Yaralılar, hadisə yerinə cəlb edilən ambulanslarla Burdur Dövlət xəstəxanasına aparılıblar. 

Faktla bağlı cinayət işi açılıb, araşdırma aparılır.

Namiq Musayev