Ötməni düzgün hesaba almayanda belə olur - FOTO + VİDEO

Ötmə əməliyyatını düzgün hesaba almayan sürücü qəzaya səbəb olub. Avtosfer.az xəbər verir ki, bu barədə görüntülər sosial şəbəkədə paylaşılıb.

Kadrlarda, dar yolda öndə motosikletin, arxada isə avtomobilin hərəkət etdiyi və bir müddət sonra isə avtomobilin motosikleti ötmək istədiyi ancaq bu zaman qarşıdan gələn qırmızı avtomobillə toqquşduğu görülür.

Zərbənin şiddətindən hər iki avtomobilin ön hissəsinə ciddi ziyan dəyir, ağ rəngli avtomobilin toxunuşudan sonra motosikletli yol kənarına yıxılaraq başı torpaq zəminə çırpılır.

Burada diqqətçəkən məqam odur ki, ağ rəngli avtomobilin sürücüsü ötmə əməliyyatına başlamazdan əvvəl ilk öncə qarşıdan hər hansı nəqliyyat vasitəsinin gəlməsini və yaxudda hansı məsafədə olduğunu müəyyən etməli idi. Lakin sürücü burada səhlənkarlıq edərək ötmə əməliyyatını düzgün hesaba almayıb. Nəticədə də özündən başqa 2 nəfərə həm maddi həm də fiziki ziyan vurub.  

Namiq Musayev