Oturacağı yandırdılar, saqqız yapışdırdılar – Sürücü sərnişinlərin avtobusda nə etdiklərini paylaşdı – VİDEO

Sərnişinlər hər zaman avtobusların təmiz və səliqəli olmamasından şikayətlənirlər. Lakin bu dəfə avtobus sürücüsü sərnişinlərin özlərinin nəqliyyat vasitəsini hansı vəziyyətə saldığını çəkərək sosial şəbəkə hesabında paylaşıb.

Avtosfer.az xəbər verir ki, 172 saylı marşrut xətti üzrə hərəkət edən avtobuslardan birinin sürücüsü sərnişinlərin avtobusda törətdiyi xoşagəlməz hallarla bağlı görüntülər yayıb.

Sürücü görüntülərdə sərnişinlərin avtobusun oturacaqlarını yandırdığını, oturacaqlara kağız parçaları yapışdırdığını və bəzi yerlərdə saqqız yapışdırıldığını göstərib. Həmçinin sərnişinlərdən birinin avtobusdakı tutacaq yerinə salfet soxduğu da görüntülərdə əks olunub.

Sürücü bildirib ki, sərnişinlər avtobusların təmiz və səliqəli olmasını istəyirlər. Lakin bəzi sərnişinlərin bu cür davranışları nəticəsində avtobuslar çirkləndirilir və yararsız vəziyyətə salınır.

Görüntülərdə avtobusun müxtəlif hissələrində yaranmış çirklənmə və zədələnmələr də nümayiş etdirilib.

Eltac Zülfüqaroğlu