Polisdən qaçan sərxoş taksi sürücüsü iki divar arasında qaldı – ANBAAN VİDEO

Polisdən qaçan taksi sürücüsünün iki divar arasında sıxışaraq qaldığı görüntülər təhlükəsizlik kamerası tərəfindən qeydə alınıb. Avtosfer.az xəbər verir ki, bu barədə video sosial şəbəkədə paylaşılıb.

Məlumata görə, Ankaranın Etimesgut rayonunda polisin saxla əmirinə tabe olmayan sərxoş sürücü, taksi kimi idarə etdiyi avtomobillə qaçaraq bir marketin avtoparkında gizlənib. Polislərin onu təqib etdiyini görən sürücü, avtoparkdan çıxmağa çalışarkən marketin divarı ilə bir binanın divarı arasında sıxışıb. Polis əməkdaşları sürücünü sıxışmış avtomobilin pəncərəsindən çıxararaq həbs ediblər.

Nəqliyyat vasitəsi isə evakuatorla olduğu yerdən çıxarılıb.

Namiq Musayev