Prospektdə qayda pozan piyada sürücüyə əl-qol atıb etiraz etdi - VİDEO

Paytaxtın 8 Noyabr prospektində qayda pozan piyada avtomobil kamerasına düşüb.

Avtosfer.az-ın məlumatına görə, hadisə dekabrın 28-də saat 15:13 radələrində qeydə alınıb. Kadrdan görünür ki, yolu təyin olunmamış yerdən keçən piyadalar sürücüyə çətin anlar yaşadıb. Onlar yaxınlaşan avtomobilə məhəl qoymadan hərəkətlərinə davam ediblər. Mövcud vəziyyəti görən sürücü əsəbiləşərək piyadalardan birinə iradını bildirib. Piyada isə qayda pozmasına baxmayaraq əli ilə geri çönərək sürücüyə etirazını göstərib.

Qeyd edək ki, hadisə baş verən ərazidən irəlidə piyada keçidi mövcuddur. 

Sürücülər yolu keçən piyadalara diqqət yetirməli, piyadalar isə yalnız təyin olunmuş piyada keçidlərindən istifadə etməlidir. Bu sadə qayda həm qəzalardan qoruyur, həm də hərəkətdə təhlükəsizliyi təmin edir.

Nərmin