Qayda pozan sürücü ağır qəzaya səbəb oldu: sərnişin avtomobildən uçdu - VİDEO

Qayda pozaraq ağır yol qəzasına səbəb olan sürücünün videosu təhlükəsizlik kamerası tərəfindən qeydə alınıb. Avtosfer.az xəbər verir ki, bununla bağlı görüntülər sosial şəbəkədə paylaşılıb.

Kadrlarda, hərəkətədə olan “Mercedes” markalı minik avtomobilinin qarşısına anidən “Chevrolet” markalı yolsuzluq maşınının çıxdığı görülür.

“Mercedes”in sürücüsü qəzadan yayınmağa çalışsa da, bunu bacarmayıb və toqquşma baş verib. İdarəetmədən çıxan minik avtomobili park edilmiş digər maşına çırpılıb.

Zərbənin təsirindən “Mercedes”in sərnişini avtomobilin ön şüşəsindən uçaraq asfalt zəminə çırpılıb. Qəza zamanı diqqətçəkən məqamlardan biri isə o olub ki, minik avtomobilinin sərnişininin təhlükəsilik kəmərindən istifadə etməməsinə baxmayaraq o, bəxti sayəsində hadisəni yüngül xəsarətlərlə atladıb.

Qeyd edək ki, yolsuzluq maşını həm manevr qaydasını, həm də 1.1 xəttinin tələbini pozaraq minik avtomobilinin qarşısına çıxıb.

Namiq Musayev