Qəzadan yayınan avtobus banka girdi - VİDEO

Çində minik avtomobili ilə toqquşmaqdan yayınan avtobus bankın binasına çırpılıb. Avtosfer.az xəbər verir ki, qəza Liaoning əyalətinin Dalian şəhərində qeydə alınıb.

Məlumata görə, hərəkətdə olan minik avtomobilinin sürücüsü sağa dönmək üçün zolağı qəfil dəyişib və bu zaman eyni istiqamətdə hərəkət edən sərnişin avtobusunun önünə çıxıb. Avtobus sürücüsü qəzadan yayınmaq üçün sükanı sağ tərəfə döndərib və bu zaman sürətlə yaxınlıqdakı bank binasının girişinə çırpılıb.  

Yerli KİV-in yazdığına görə, avtobusda olan 49 sərnişin müayinə üçün tibb məntəqəsinə aparılıb. Onlardan dördü yüngül xəsarətlər alıb, vəziyyətləri stabildir və müalicələri xəstəxanada davam etdirilir. Bir nəfər isə ağır xəsarətlər alsa da vəziyyəti kritik deyil.

Faktla bağlı araşdırma aparılır.

Namiq Musayev