Qəzaya düşən avtomobil parçalara ayrıldı - QƏZANIN VİDEOsu

Türkiyənin Afyonkarahisar vilayətində minik avtomobilinin iştirakı ilə yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, insident Bolvadin rayonu ərazisində qeydə alınıb.

Məlumata görə, Mustafa Bayramer idarə etdiyi 61 AN 535 qeydiyyat nömrə nişanlı minik avtomobillə, hərəkətdə olan zaman naməlum səbəblərdən sükan idarəetməsini itirib. İdarəetmədən çıxan maşın sürüklənərək əvvəlcə beton dirəyə, ardınca da yol kənarına düşüb. Zərbənin şiddətindən avtomobil parçalara ayrılıb.

Nəticədə Mustafa Bayramer ağır xəsarətlər alıb və hadisə yerinə çağırılan ambulansla xəstəxanaya çatdırılıb.

Polis faktla bağlı araşdırmalara başlayıb.

Namiq Musayev