"Qoçu" sürücü xanımın yolunu kəsib küt alətlə hücum etdi - ŞOK VİDEO

Bakıda taksi sürücüsünün qorxulu hərəkətləri anbaan kameraya düşüb. Avtosfer.az xəbər verir ki, hadisə mayın 23-də, Bakı-Sumqayıt yolunda (Avtovağzalın qarşısında) baş verib. Belə ki, taksi fəaliyyəti ilə məşğul olan 99-UP-654 qeydiyyat nişanlı "Opel" markalı avtomobilin sürücüsü xanım sürücünün qarşısını kəsib. Bu barədə həmin xanım sürücünün yaxını redaksiyamızın qaynar xəttinə müraciət edib: "Görüntüdəki avtomobilin sürücüsü öncə xanım sürücünü yolda sıxışdırıb. Daha sonra isə onun qarşısını kəsərək avtomobildən düşüb. Bu azmış kimi avtomobilində soyuq silah kimi gəzdirdiyi dəyənəyi götürərək onun üzərinə hücum edib. Həmin vaxt hadisə ilə üzləşən xanım sürücü qorxu və həyəcan keçirib" - deyə oxucu bildirib.

O, hüquq mühafizə orqanlarından həmin sürücünün cəzalandırılmasını xahiş edir.

Fərid