"Qoçuluq", yoxsa ənənə? - "Range Rover"in "hoqqası" - VİDEO

Avtosfer TV 23 Mart 2023 10:20 Oxunub 3080
"Qoçuluq", yoxsa ənənə?  - "Range Rover"in "hoqqası"  - VİDEO
WhatsApp kanalımıza abunə ola bilərsiniz

Məşhur filmdə deyildiyi kimi “xalqımın toy kimi gözəl bir adəti var”. Di gəl ki, toylarda yol kəsib bəydən pul almaq, qız evinin həyətindən nə isə aparmaq kimi pis ənənələr də var. 


Bu gün rast gəldiyim hadisəni isə ənənə ilə izah edə bilmirəm. Lökbatan qəsəbəsində Bilal Niftəliyev küçəsindən qəsəbənin mərkəzinə hərəkət edən toy karvanının qarşısını Dəniz plaza şadlıq sarayının qarşısında əks yöndən gələn 77- PC - 147 nömrə nişanlı avtomobil kəsdi. "Range Rover" markalı gəlin maşının sürəti təxminən 30 km/saat olduğu üçün sürücü vaxtında tormozlayaraq qəzadan yayına bildi. Yol kəsən sürücünün bəydən nə qədər pul qopardığını bilmirəm, amma çox ciddi qəza şəraiti və qısamüddətli tıxac yarandı. 


Bəzi müsəlman ölkələrində toy çəkilişləri aparan operatorlardan montaj olunmamış təsvirləri (televiziya jarqonunda sıroy) polisə vermək tələb olunur. Polis bu yolla gəlin karvanında baş verən qayda pozuntularını müəyyən edir. 


Bəlkə də səmərəli metoddur, amma Şərqin ilk respublikasının bu səviyyəyə enməsini arzulamazdım.

Vüqar Yaşaroğlu

 

ŞƏRH YAZ
Ad

E-mail

Şərh