“Range Rover”lə əks yola çıxıb “hoqqa” verdi; görüntülərini paylaşdı - VİDEO

Paytaxtın Xəzər rayonu, Şüvəlan qəsəbəsində yol hərəkəti qaydalarını kobud şəkildə pozan sürücünün görüntüləri “TikTok” sosial şəbəkəsində paylaşılıb.

Avtosfer.az-ın məlumatına görə, 10-MY-068 dövlət nömrə nişanlı “Land Rover” markalı avtomobilin sürücüsü yolda təhlükəli manevrlər edərək digər hərəkət iştirakçılarının həyatını riskə atıb.

Kadrlardan görünür ki, müxtəlif vaxtlarda qeydə alınmış görüntülərdə sürücü bütöv xəttin tələbini pozaraq əks istiqamətli hərəkət zolağına çıxıb və riskli şəkildə “sağ-sol” edib. Bu zaman qarşıdan gələn nəqliyyat vasitələri üçün qəza şəraiti yaranıb.

Bundan əlavə, sürücünün sürət həddini aşdığı və yol hərəkəti qaydalarına məhəl qoymadan hərəkət etdiyi də videolarda aydın görünür.

Nərmin