Sola dönməyə icazə verilən yolda sürücülər cərimələnir - ŞİKAYƏT - FOTO - VİDEO

Bakıda haqsız yerə cərimələndiyini iddia edən sürücü redaksiyamıza şikayət ünvanlayıb. Avtosfer.az xəbər verir ki, cərimə qərarı paytaxtın Mətbuat prospektində kamera vasitəsilə tərtib edilib. Belə ki, sürücü düzünə və sağa məcburi hərəkət istiqaməti nişanının qüvvədən düşdüyü yerdən sola-Akim Abbasov küçəsinə dönüb. Lakin onun bu hərəkəti kamera vasitəsilə qayda pozuntusu kimi qiymətləndirilib.

Qeyd edək ki, yolayrıcı qarşısında hərəkətin düzünə və sağa məcburiliyini bildirən yol nişanı sağdakı kəsişmə yerində öz qüvvəsini itirir. "Yol hərəkəti haqqında" qanunun 65-ci maddəsinin IV hissəsində qeyd olunub ki, 4.1.1—4.1.6 məcburi hərəkət istiqamətləri nişanlarının qüvvəsi yolun hərəkət hissəsinin kəsişmə yerinə şamil edilir.

Qanunun bu müddəasına əsasən həmin yolayrıcından sola dönmək qaydalar çərçivəsindədir. Ümid edirik ki, sürücünün haqlı narazılığı nəzərə alınmaqla barəsində tərtib edilmiş qərar ləğv ediləcək.

Könül