Sosial media fenomeni avtoşluq etdiyi üçün saxlanıldı - VİDEO

Dağıstanlı 20 yaşlı sosial media fenomeni Hasbulla Maqomedov saxlanılıb.

Avtosfer.az lent.az-a istinadən bildirir ki, o, yol hərəkəti qaydalarına məhəl qoymayaraq dostları ilə avtoşluq etdiyi üçün polis tərəfindən saxlanılıb.

Bir qrup dostunun toyunda iştirak edən Hasbulla küçədə öz nəqliyyat vasitələri ilə digər sürücülərin həyatını təhlükəyə atan şəkildə nümayiş etdirməyə başlayıb.

Şikayət əsasında o, dostları ilə birlikdə polis tərəfindən saxlanılıb.

Daxili İşlər Nazirliyi Hasbulla dostlarının avtomobillə küçədə keçirdikləri təhlükəli anların görüntülərini paylaşıb. Görüntülərdə Hasbullanın sükan arxasında olmadığı və avtomobilin içərisində olduğu görünür.

Hasbulla və dostları daha sonra sərbəst buraxılıb. Onlara verilən cəza ilə bağlı heç bir izahat verilməyib.