Sükanı buraxaraq maşın sürənlər cərimə olunacaq - VİDEO

Hərəkət zamanı sükanı buraxmaq, əlləri tamamilə boş vəziyyətdə saxlamaqla bəzi sürücülər bunu özləri üçün “peşəkarlıq”  hesab edir. Avtosfer.az bildirir ki, çox zaman isə mexaniki sürətlər qutusu olan, xüsusilə Rusiya istesalı olan avtomobillərin mühərrikini söndürməklə ətalət qüvvəsi hesabına idarə edən sürücülər də az deyil. Bununla guya yanacağa qənaət etmiş olduqlarını düşünürlər.

Lakin hər iki halda qanunvericiliyin tələbləri kobud şəkildə pozulur. Belə ki, İnzibati Xətalar Məcəlləsinin 342-ci maddəsində nəqliyyat vasitələrinin sürücüləri tərəfindən nəqliyyat vasitələrinin istismarı qaydalarının pozulması qaydaları öz əksini tapıb.  Məcəllənin 342.1.4-cü maddəsinə əsasən hərəkət zamanı sükanı əlindən buraxmağa, mühərriki söndürülmüş nəqliyyat vasitəsini ətalətlə idarə etməyə görə sürücü qırx manat məbləğində cərimə edilir.

Ancaq burada cərimədən daha önəmli olan təhlükəsizlik məsələsidir. İstəmilən halda qarşıdakı avtomobildə hər hansı texniki nasazlıq baş verəcəyi təqdirdə bu hərəkətlərə yol verən sürücülər üçün qəza qaçılmaz olacaq. Odur ki, qeyd olunanlar “peşəkarlıq” deyil, naşılıq hesab oluna bilər.

Orxan