Sürücülərin 1 saat tıxacda qaldıqları yolun 1 dəqiqəlik alternativi - TƏKLİF - VİDEO

Balaxanı yolunda hər gün yaranan tıxac sürücülərin narazılığına səbəb olur. Avtosfer.az xəbər verir ki, söhbət Binəqədi yolu ilə kəsişən dörd yoldan gedir.

Videogörüntünü qeydə alan sürücü bildirir ki, tıxacın yaranma səbəbi yolayrıcındakı svetoforun yaşıl dalğasının az olmasından irəli gəlir. Buna görə də Balaxanı istiqamətindən gələn sürücülər səhər və axşam saatlarında yarım saat, 1 saat tıxacda qalırlar. O, sağ tərəfdəki torpaq yola asfalt çəkilməklə tıxacın həll ediləcəyini bildirir.

Belə ki, Mehdiabad, Novxanı və Saray istiqamətinə gedən sürücülər svetoforda gözləmədən həmin yolla həm vaxta, həm də məsafəyə qənaət etmiş olacaqlar.

Ümid edirik ki, aidiyyəti qurumlar sürücünün bu təklifinə tez bir zamanda reaksiya verərək məsələnin həlli istiqamətində addımlar atacaq.

Fərid