Sürücünün yola atdığı siqaret kötüyü arxadan gələn avtomobilin üzərinə düşdü - VİDEO

Siyəzən rayonunda yol hərəkəti qaydasını pozan sürücü avtomobilin kamerasına düşüb. 

Avtosfer.az-ın məlumatına görə, hadisə yanvarın 3-də saat 17:07 radələrində qeydə alınıb. Belə ki, 90-LU-086 dövlət nömrə nişanlı “Mercedes” markalı avtomobilin sürücüsü hərəkət zamanı əlindəki siqaret kötüyünü yola atıb. Nəticədə zibil arxadan gələn - görüntünü qeydə alan avtomobilin üzərinə düşüb.

Qeyd edək ki, qanunvericiliyə görə, yolun və ətraf mühitin təmizliyini təmin etmədən tullantı atmaq sürücülər üçün cərimə ilə nəticələnir. Belə hallardan qaçmaq üçün siqaret kötükləri və digər tullantılar yalnız müəyyən edilmiş zibil qutularına atılmalıdır.

Nərmin