Təcili yardım maşınına yol verməyən "Prado" - 10-OH-201 - VİDEO

Təcili tibbi yardım avtomobili xəbərdarlıq etsə də, sürücü “kar-kor” olmağa davam etdi. Avtosfer.az xəbər verir ki, təcili tibbi yardım maşının həvəskar kamerasına düşən hadisə bu gün səhər saatlarında paytaxtın Ziya Bünyadov prospektində qeydə alınıb. Görüntülərdən də bəlli olduğu kimi olay yerinə getməli olan ambulans qarşısında olan  “Toyota Prado” markalı, 10-OH-201 dövlət nömrə nişanlı avtomobilin ona yol verməməsinin haqlı olaraq şikayətlənib. Hətta sürücünün ambulansın siqnalını qoşmasına, maşında yüksək səslə qarşıdakı “şəxsi” məlumatlandırmasına baxmayaraq vəziyyət eyni şəkildə davam edib. Öndə gedən “qəhrəmanımız” sanki həyatla mərcə girib yol versə “uduzacaq” kimi irəlilədikcə irəliləyib. 
Bilməyən şəxslərin nəzərinə çatdıraq ki, bu halda “qəhrəmanımız” yolun sağ, yaxud sol xəttinə keçərək təcili tibbi yardım maşınına yol verməliydi. Əks halda onu gözləyən cərimədən qaça bilməsi imkansızdır.

Nərmin Əkbər