“VAZ” beton dirəyə sarıldı: 1 ölü, 1 ağır yaralı - VİDEO

Rusiyanın Nijnem Novqorod şəhərində iki nəqliyyat vasitəsinin iştirakı ilə baş verən ağır yol qəzasının görüntüləri təhlükəsizlik kamerasına düşüb. Avtosfer.az xəbər verir ki, hadisə yanvarın 11-də şəhərin Sverdlovsk küçəsində qeydə alınıb.

Məlumata görə, sürətlə hərəkətdə olan “VAZ-2110” markalı avtomobil, “qəza işıqları”nı yandıraraq ikinci dərəcəli yola dönən “Qazel”lə toqquşub. Zərbənin şiddətindən  idarəetmədən çıxan “VAZ” beton dirəyə çırpılıb.   

Qəza nəticəsində beton dirəyə sarılan “2110”un 26 yaşlı sürücüsü hadisə yerində dünyasını dəyişib, sərnişini isə ağır vəziyyətdə xəstəxanaya çatdırılıb.

Polis faktla bağlı araşdırmalara başlayıb.

Namiq Musayev