Xətlər yoxa çıxıb; sürücülər və piyadalar çaş-baş qalıb - VİDEO

Paytaxtda piyada keçidində zebra xəttinin olmaması piyadalara təhlükə yaradır, sürücüləri isə çaş-baş salır. Avtosfer.az-ın əməkdaşları bu barədə süjet hazırlayıb.

İnşaatçılar prospektində Dövlət Statistika Komitəsinin qarşısında işıqforla nizamlanan piyada keçidi var. Lakin keçiddə piyada zolağı və avtomobillər üçün stop xətti tam silinib. Bu da həm sürücüləri çaşdırır, həm də piyadalar üçün təhlükə yaradır.

Çəkiliş zamanı bir neçə sürücünün işıqforda çaşdığını və piyada zolağının üzərində dayandığını da müşahidə etdik.

Piyadalar xətt və zolaqların silinməsi səbəbindən sürücülərin piyada keçidini görmədiyini, bunun piyadaları da çaşdırdığını qeyd ediblər.

Ümid edirik ki, aidiyyatı qurumlar yaxın zamanda bu barədə tədbir görəcək.

Məhəbbət Tərlanoğlu