Yasamalda dəhşətli hadisə: keçiddən keçməyən iki qızı maşın belə vurdu - VİDEO

Yasamal rayonu Şərifzadə küçəsində piyadavurma hadisəsi qeydə alınıb. Avtosfer.az xəbər verir ki, hadisə dünən baş verib. Belə ki, yeraltı piyada keçidi olduğu halda yolu təyin olunmamış yerdən keçməyə çalışan iki xanımı maşın vurub. 

Hadisə nəticəsində piyadalar bədən xəsarəti alıb. Bakı şəhər Dövlət Yol Polisi İdarəsinin bölmə rəisi polis kapitanı Toğrul Nəsirli Avtosfer.az-ın sorğusuna cavab olaraq bildirib ki, hadisə ilə bağlı araşdırma aparılır. 

Toğrul Nəsirli piyada və sürücüləri qaydalara əməl etməyə çağırıb. 

Videonu təqdim edirik: