Yeraltı keçidə girmək üçün zebra da lazımdır – Amma BNA “unudub” - VİDEO
Avtosfer TV 9 Avqust 2022 16:16 Oxunub 3808
Yeraltı keçidə girmək üçün zebra da lazımdır – Amma BNA “unudub” - VİDEO

Səbail rayonu, Bayıl qəsəbəsində qəribə mənzərə ortaya çıxıb. Hər zaman piyadaları “düşünən” Bakı Nəqliyyat Agentliyi piyadaların ikizolaqlı yoldan keçib yeraltı keçidə daxil olması üçün zebra çəkməyi unudub. Avtosfer.az xəbər verir ki, videoda əksini tapan mənzərə Neftçi Qurban küçəsində meydana çıxıb. Belə ki, Səbail rayon Yanğından Mühafizə İdarəsinin yanındakı parkdan düşən sakinlər ikizolaqlı yolu keçərək yeraltı keçidə daxil olarkən təhlükə ilə üz-üzə qalırlar. Çünki Bakı Nəqliyyat Agentliyi həmin ərazidə piyada keçidi təşkil etməyib. Bu təhlükəli vəziyyət illərdir belədir. Lakin məsələ sosial şəbəkələrdə müzakirə olunan zaman BNA-nın mətbuat katibi Mais Ağayev bildirib ki, Neftçi Qurban küçəsinə (Bayıl parkının qarşısı) vətəndaş müraciəti əsasında BNA əməkdaşları tərəfindən baxış keçirilib və mövcud vəziyyət təhlil edilib: “Qeyd olunan ünvanda piyadaların hərəkətinin rahatlığını və təhlükəsizliyini təmin etmək məqsədi ilə nizamlanmayan eyni səviyyəli piyada keçidinin təşkil edilməsi, müvafiq yol nişanlarının üfüqi nişanlanma xətlərinin çəkilməsi məqsədəmüvafiq hesab edilib. Bununla bağlı hazırlanan təklif də rəy verilməsi üçün 06 iyul 2022-ci il tarixində DİN-nin Baş Dövlət Yol Polisi İdarəsinə göndərilib. Müvafiq rəy alındıqdan sonra ərazidə infrastruktur işlərinə başlanılacaq”.

 

Emin

FOTO QALEREYA
ŞƏRH YAZ
Ad

E-mail

Şərh