Yol vermək üstündə dava: biri digərini bıçaqladı - VİDEO

Rusiyanın Çelyabinsk şəhərində iki sürücü arasında baş verən mübahisə bıçaqlanma ilə nəticələnib. Avtosfer.az yerli KİV-ə istinadən xəbər verir ki, hadisə Dovator və Vorovski küçələrinin kəsişməsində qeydə alınıb.

Məlumata görə, sürücülər yol kəsişməsində yol vermək üstündə mübahisə ediblər və bu, bir müddət sonra davaya çevrilib.

Hadisə şahidinin sözlərinə görə, yaşlı bir sürücü idarə etdiyi avtomobili, gənc sürücünün idarə etdiyi maşının önünə hərəkət etdirərək qəfil əyləcə sıxıb. Bu zaman maşındakı 2 aylıq körpəsinin xəsarət alacağından bərk narahat olan gənc, yaşlıya etirazını bildirib.

Sürücülər arasında başlayan dava-dalaş zamanı yaşlı kişi üzərində gəzdirdiyi bıçaqla ona iki  zərbə endirərək xəsarətlər yetirib.

Ətrafdakıların xəbər verməsi ilə, hadisə yerinə polis və təcili tibbi yardım briqadasının əməkdaşları gəlib. Yaralı ilkin tibbi yardımdan sonra xəstəxanaya yerləşdirilib. Digər sürücü isə polis tərəfindən saxlanılaraq bölməyə aparılıb.

Namiq Musayev