Yük maşını “Lada Priora”ya çırpıldı: 2 ölü, 1 ağır yaralı - VİDEO

Rusiyanın Tomsk əyalətində yük maşınının və minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə təhlükəsizlik kamerası tərəfindən görüntülənib.

Kadrlarda, “Freightliner” markalı yük maşınının hərəkətdə olduğu və yanacaq doldurma məntəqəsindən çıxaraq yolun sol hərəkət istiqamətinə manevr edən avtomobilə çırpıldığı görülür.

Yerli medianın məlumatına görə, zərbənin şiddətindən “Lada Priora” markalı avtomobil deformasiyaya uğrayıb.

Nəticədə minik avtomobilində olan 2 nəfər hadisə yerində dünyasını dəyişib, daha bir nəfər isə ağır vəziyyətdə xəstəxanaya çatdırılıb.

Polis faktla bağlı araşdırmalara başlayıb.

Namiq Musayev