Yüksək sürətlə hərəkət edən “Audi” yük maşınının altına girdi; 4 nəfər öldü - VİDEO

Dumanlı hava şəraiti və yüksək sürət ağır yol qəzasına səbəb olub. Avtosfer.az xəbər verir ki, hadisə Türkiyənin Kütahya-Tavşanlı avtomobil yolunun Bölücek kəsişməsində baş verib.
Belə ki, dumanlı hava şəraitində 36 yaşlı Vəli Yücel yüksək sürətlə idarə etdiyi 43 AB 560 nömrə nişanlı “Audi” markalı avtomobillə hərəkətdə olarkən işıqforun qırımızı işığında dayanan yük maşınını arxadan vurub. 
Zərbənin təsirindən “Audi” yük maşınının altına girərək ön hissəsi deformasiyaya uğrayıb. Qəza nəticəsində minik avtomobilində olan 4 nəfər aldıqları xəsarətlərdən hadisə yerində ölüb. Yük maşını sürücüsü ifadə vermək üçün polis bölməsinə aparılıb.
Faktla bağlı cinayət işi açılıb, araşdırma aparılır.

Namiq Musayev