Bakıda eşidilən partlayış səsinin səbəbi məlum olub

Bu gün səhər saatlarında Bakının müxtəlif ərazilərində eşidilən partlayış səsinin səbəbi məlum olub. Fövqəladə Hallar Nazirliyinin (FHN) Mətbuat Xidmətindən Avtosfer.az-ın sorğusuna cavab olaraq bildirilib ki, şəhər kənarında keçirilən hərbi təlimlərlə bağlı paytaxtın bəzi ərazilərində gurultu və partlayış səsləri eşidilir. "Bununla bağlı bildiririk ki, əhalinin narahatlığına heç bir əsas yoxdur", - məlumatda qeyd edilib.