Bakıda restoran tələbənin maaşını vermir? - VİDEO

"17 yaşlı gənci hər gün 17 saat işlətdi - Əmək haqqını tələb edəndə hədə-qorxu gəldilər...

Bu iddia ilə “Xəzər Xəbər”ə "Laven Kafe"də çalışan 17 yaşlı Rinat Əliyev müraciəıt edib. O, işlədiyi müddətdə əmək haqqının tam ödənilmədiyini bildirir. Valideynlərinin icazəsi ilə, ailəsinin maddi vəziyyəti yaxşı olmadığı üçün Ağ Şəhərdə, 2-ci Yaşıl Ada, 3-cü Şərq küçəsində yerləşən "Laven Kafe"də aşpaz köməkçisi kimi işləyən yeniyetmə iddia edir ki, günlərlə bir yox bir neçə əməkdaşın əvəzinə işləyib.

Onun sözlərinə görə, 8 saatlıq iş vaxtından artıq, bəzi günlərdə isə 15-16 saat çalışıb. Rinat Əliyev iki növbədə işlədiyini və hər növbə üçün 700 manat olmaqla ümumilikdə 1400 manat əmək haqqının nəzərdə tutulduğunu bildirir.

Rinat Əliyev aşpaz ixtisası üzrə təhsil alılr, həm oxuyur, həm də işləyirmiş.