Sürix–Şanxay reysi Bakıya məcburi eniş edib

Oktyabrın 19-da “SWISS” aviaşirkətinin Sürix–Şanxay marşrutu üzrə uçuş həyata keçirən təyyarəsi Bakıya məcburi eniş edib

Avtosfer.az xəbər verir ki, bu barədə Heydər Əliyev Beynəlxalq Aeroportunun Mətbuat xidməti məlumat yayıb

Bildirilib ki, buna səbəb sərnişinlərdən birinin səhhətində yaranan problem olub.

“Airbus A350-900” tipli təyyarə yerli vaxtla saat 19:21-də Heydər Əliyev Beynəlxalq Aeroportuna uğurla enib. Sərnişinə hava limanında ilkin tibbi yardım göstərilib.

Reysin davam etdirilməsi ilə bağlı qərarı təyyarənin kapitanı verəcək.